அஸ்ஸலாமு அலைக்கும் (வரஹ்)! வருக! வருக!! நல் வரவாகுக!!! சித்தார் கோட்டை அஹ்லுஸ் சுன்னத் வல் ஜமாஅத் இணைய தளம் உங்களை அன்புடன் வரவேற்கிறது. Welcome to Chittarkottai Sunnath Jamath

பாவங்களை அழிக்கும் புனிதம் வாய்ந்த ரமழான் மாதத்தை முன்னிட்டு

Tuesday, April 24, 2012

ரபீஉல் ஆகிர் 7-முதல் ரபீஉல் ஆகிர் 28 வரை நடைபெற்ற சிறப்பு மஜ்லிஸ்கள்.

விழுப்புரம் மஸ்ஜிதே இஃக்லாஸ் வளாகத்தில், நிஸ்வான் மதரஸாவுக்கு வேலூர் பாக்கியாத்தின் முன்னால் முதல்வர் மௌலானா மௌலவி அல்ஹாஜ்,அல்லாமா P.S.P.ஜைனுல் ஆபிதீன் ஹஜ்ரத் கிப்லா அவர்கள் அடிக்கல் நாட்டினார்கள்.நிகழ்ச்சியில் பொதுமக்களும்,முஸ்லிம் லீக்கைச் சேர்ந்த ஏராளமானோர் கலந்து கொண்டார்கள்.


இந்தியன் யூனியன் முஸ்லிம் லீக் விழுப்புரம் கிளை சார்பாக மீலாது விழா, மந்தக்கரை திடலில் நடைபெற்றது.இதில் வேலூர் பாக்கியாத்தின் முன்னால் முதல்வர், மௌலானா மௌலவி அல்ஹாஜ்,அல்லாமா P.S.P.ஜைனுல் ஆபிதீன் ஹஜ்ரத் கிப்லா அவர்கள் சிறப்புரையாற்றினார்கள்.நிகழ்ச்சியில் தலைவர் பேராசிரியர் கே.எம்.காதர் முஹைதீன் அவர்களும்,மற்றும் முஸ்லிம் லீக்கைச் சார்ந்த ஏராளமானோர் கலந்து கொண்டார்கள்.

சென்னை சுன்னத் வல் ஜமாஅத் அமைப்பின் அறிமுக மாநாடு எழும்பூர் கென்னட் லேன் சிங்கப்பூர் பிளாஸாவில், மார்ச் 2 ஆம் தேதி வெள்ளிக்கிழமை மாலை நடைபெற்றது.காயல் பட்டிணம் மஹ்ழரத்துல் காதிரிய்யா அரபுக்கல்லூரி பேராசிரியர் மௌலானா மௌலவி எஸ்.சையிது அப்துல் ரஹ்மான் ஆலிம் தலைமையில் நடைபெற்ற இவ்விழாவில், அகில இந்திய ஜம்மீயத்துல் உலமா சபை பொதுச் செயலாளர்,கேரள மாநிலம்,காந்தபுரம் கமருல் உலமா,மௌலானா மௌலவி அல்லாமா ஏ.பி.அபூபக்கர் முஸ்லியார் ஆலிம் பாகவி ஹஜ்ரத் கிப்லா அவர்கள் சிறப்புரையாற்றினார்கள்.நிகழ்ச்சியில் தமிழ் நாடு அரசு தலைமை காழி டாக்டர்,மௌலானா ஸலாஹுத்தீன் அய்யூபி ஹஜ்ரத்,ஜே.எம். ஹாரூன் எம்.பி.அவர்கள்,மௌலானா நிஜாமுத்தீன் அஹ்ஸனி ஆலிம்,மௌலானா முஹம்மது ஹாரிஸ் ஷக்காஃபி ஆலிம்,கோவை மௌலானா அப்துல் ஹக்கிம் ஆலிம்,மௌலானா சலீம் சிராஜி ஆலிம் உள்ளிட்டோர் உரையாற்றினார்கள்.

ஈரோடு திருநகர் காலனி ஹாஜியானா அரங்கில் மார்ச் 3-ஆம் தேதி சனிக்கிழமை மாலை மீலாது விழா நடைபெற்றது. இதில் சேலம் நூருல் இஸ்லாம் அரபுக்கல்லூரி முதல்வர் மௌலானா மௌலவி எம்.அபூத்தாஹிர் ஆலிம் பாகவி ஹஜ்ரத் அவர்கள் சிறப்புரையாற்றினார்கள்.

திருநெல்வேலியில் சுன்னத் வல் ஜமாஅத் கூட்டமைப்பு சார்பாக மீலாது பெரு விழா, பாளையங்கோட்டை மிலிட்டரி லைன் பள்ளி வளாகத்தில் நடைபெற்றது.நிகழ்ச்சிக்கு நெல்லை மாவட்ட ஜமாஅத்துல் உலமா சபைத் தலைவர் மௌலானா டி.ஜே.எம் ஸலாஹூத்தீன் ஆலிம் ரியாஜி ஹஜ்ரத் அவர்கள் தலைமை தாங்கினார்கள்.இதில் சுன்னத் வல் ஜமாஅத் கூட்டமைப்பு அமைப்பாளர் பேராசிரியர் சே.மு.மு.முஹம்மது அலி அவர்கள்,மேலப்பாளையம் உஸ்மானிய அரபுக்கல்லூரியின் முதல்வர் மௌலானா எஸ்.எஸ்.ஹைதர் அலி ஆலிம் மிஸ்பாஹி அவர்கள்,சிவகங்கை மாவட்ட ஜமாஅத்துல் உலமா சபைத் தலைவர் மௌலானா முஹம்மது ரிழா ஆலிம் அவர்கள்,சென்னை ரஹ்மத் பதிப்பக மேலாளர் மௌலானா முஹம்மது கான் பாகவி ஆலிம் ஆகியோர் சிறப்புரையாற்றினார்கள்.இதில் ஏராளமான உலமாப்பெருமக்களும்,பொதுமக்களும் கலந்து கொண்டார்கள்.

திருவாரூர் மாவட்டம் கொடிக்கால் பாளையத்தில்,உத்தம திருநபியின் உதய தின ஆன்மீக மாநாடு மார்ச் 11-ஆம் தேதி,ஆலிம் புலவர்,மௌலானா முஹம்மது ஹுஸைன் ஆலிம் மன்பஈ தலைமையில் நடைபெற்றது.முஸ்லிம் லீக் தலைவர் பேராசிரியர் கே.எம்.காதர் முஹைதீன் அவர்கள்.மௌலானா அஹ்மது அப்துல் காதிர் ஆலிம்,எஸ்.எஸ்.புஹாரி மௌலானா, முஹம்மது யாஸின் ஆலிம் பாகவி,இமாம் அப்துஸ்ஸலாம் ஆலிம் ஆகியோர் சிறப்புரையாற்றினார்கள்.இந்த மாநாட்டை கொடிக்கால் பாளையம் ஏகத்துவ மெய்ஞான சபை ஸூஃபி மன்ஜில் இணைந்து நடத்தியது.

சென்னைப் புதுக்கல்லூரி அரபித் துறையின் மாணவர் பேரவையான (arabic study circle) அரபிக் ஸ்டடி சர்கிளின் நிறைவு விழா மார்ச் 8-ஆம் தேதி கல்லூரியின் கனினி அரங்கில் நடைபெற்றது.கல்லூரி முதல்வர் டாக்டர் கே.அல்தாப் தலைமை தாங்கினார்கள்.புதுக்கல்லூரியின் அரபித்துறைப் பேராசிரியர்,டாக்டர்.கே.எம்.ஏ.அஹ்மது ஜூபைர் எழுதிய ''முன்தகபாத் மினல் ஷிரில் அரபியில் முஆசிர்'' என்ற அரபி நூல் வெளியிடப்பட்டது.டாக்டர் கே.அல்தாப் வெளியிட,தமிழ் நாடு அரசு காஜி (காழி) டாக்டர் மௌலானா ஸலாஹூத்தீன் முஹம்மத் அய்யூப் ஹஜ்ரத் அவர்கள்,முதல் பிரதியினை பெற்றுக்கொண்டார்கள்.

மல்லிப்பட்டினம் முஹ்யத்தீன் ஆண்டகை பள்ளி வளாகத்தில் மார்ச் 12-ஆம் தேதி மீலாதுப் பெரு விழா நடைபெற்றது.நிகழ்ச்சியில் ஹுஸ்னுல் ஃகாத்திமா மகளிர் அரபிக்கல்லூரி முதல்வரும்,மஜ்லிஸுல் உலமாத் தலைவருமான,மௌலானா மௌலவி கே.எஸ்.ஏ.அப்துர் ரவூப் ஆலிம் மன்பஈ ஹஜ்ரத் அவர்கள் தலைமை தாங்கினார்கள்.விழாவில் மௌலானா முஹம்மது கௌது ஆலிம்,மௌலானா முஹம்மது ஷஃபியுல்லாஹ் பாகவி,மௌலானா கலிபுல்லாஹ் ரஹ்மானி ஃபாஜில் மன்பஈ,மௌலானா ஷாஹுல் ஹமீது மஹ்ழரி,மௌலானா அப்துஸ் ஸமது உலவி ஃபாஜில் ஜமாலி ஆலிம் ஆகியோர் வாழ்த்துரை வழங்கினார்கள்.இவ்விழாவில் மௌலானா மௌலவி அபூத்தாஹிர் பாகவி ஆலிம் சிறப்புரையாற்றினார்கள்.விழாவின் இறுதியில் சுன்னத் ஜமாஅத் பேரியக்கத் தலைவர்,மௌலானா மௌலவி அஃப்ழலுல் உலமா,அபுதலாயில் எம்.ஷைகு அப்துல்லாஹ் ஆலிம் ஜமாலி ஹஜ்ரத் அவர்கள் மீலாது சிறப்புப் பேருரை வழங்கினார்கள்.மௌலானா மௌலவி எஸ்.அய்யூப்கான் ஆலிம் மன்பஈ நன்றி கூறினார்கள்.

கோவை கோட்டை மன்பவுல் உலூம் மேல் நிலைப்பள்ளி வளாகத்தில் மார்ச் 18-ஆம் தேதி கோவை மாவட்ட ஜமாஅத்துல் உலமா சபை சார்பாக மீலாது விழா நடைபெற்றது.விழாவில் பெஙகளூர் ஸபீலுர் ரஷாத் அரபுக்கல்லூரியின் பேராசிரியர், மௌலானா அல்ஹாஃபிழ் ஸைஃபுத்தீன் ரஷாதி ஹஜ்ரத் அவர்கள் சிறப்புரையாற்றினார்கள்.மௌலானா அபுல் ஹஸன் பாகவி ஹஜ்ரத்,மௌலானா முஹம்மது அலி இம்தாதி ஹஜ்ரத் ஆகியோரும் பேசினார்கள்.விழாவில் ஏராளமான உலமாப் பெருமக்களும்.பொதுமக்களும் கலந்துகொண்டார்கள்.

சென்னை மௌலானா மு.அ. ரஹ்மத்துல்லாஹ் ஜமாலி ஆலிம் அவர்களின் இல்லத் திருமணவிழா சென்னையில் ஹஜ் கமிட்டி திருமண மண்டபத்தில் மார்ச் 24-ஆம் தேதி நடைபெற்றது.விழாவில் டாக்டர் மௌலானா மௌலவி அல்லாமா தைக்கா ஷுஐபு ஆலிம் ஹஜ்ரத் அவர்கள் முன்னிலை வகித்தார்கள்.சுன்னத் ஜமாஅத் பேரியக்கத் தலைவர்,மௌலானா மௌலவி அஃப்ழலுல் உலமா அபுத்தலாயில் எம். ஷைகு அப்துல்லாஹ் ஆலிம் ஜமாலி ஹஜ்ரத் அவர்களும்,முஸ்லிம் லீக் தலைவர் பேராசிரியர்,கே.எம். காதர் முகைதீன் அவர்கள்,மற்றும் பலர் வாழ்த்துரை வழங்கினார்கள்.இறுதியில் இமாம் பூஸிரி (ரஹ்) அவர்கள் எழுதிய கஸீதத்துல் முஹம்மதிய்யா என்ற அரபி நூலின் தமிழ் மொழி பெயர்ப்பும் வெளியிடப்பட்டது. 

வெளியீடு- மன்பஈ ஆலிம்.காம்.
மற்றும் சுன்னத் வல் ஜமாஅத் பேரியக்க வாழூர் மற்றும் மலேசியக்கிளைகள்.

Saturday, April 14, 2012

ரபியுல் அவ்வல் 5 முதல் ரபியுல் அவ்வல் 20 வரை நடைபெற்ற சிறப்பு மஜ்லிஸ்கள்

 பிப்ரவரி 9 -ஆம் தேதி நெல்லை பேட்டையில் ரஹ்மானியா பள்ளி வணிக வளாகத்தில் மீலாது விழா நடைபெற்றது.விழாவிற்க்கு சிறப்பு அழைப்பாளராக தமிழ் மாநில ஜமாஅத்துல் உலமா சபைத் தலைவர், அபுல் பயான், ஷைகுல் ஹதீஸ்,அல்லாமா மௌலானா மௌலவி எ.இ.முஹம்மது அப்துர் ரஹ்மான் ஆலிம் மிஸ்பாஹி ஹஜ்ரத் அவர்கள் சிறப்புரையாற்றினார்கள்.

மேலப்பாளையத்தில் பிப்ரவரி 19-ஆம் தேதி மாபெரும் ஷரீஅத் மாநாடு நடைபெற்றது.மாநாட்டிற்கு நெல்லை மாவட்ட ஜமாஅத்துல் உலமாத் தலைவர் மௌலானா மௌலவி அல்லாமா டி.ஜே.எம்.ஸலாஹுத்தீன்ஆலிம் ரியாஜி ஹஜ்ரத் அவர்கள் தலைமை தாங்கினார்கள்.மாநாட்டிற்கு சிறப்பு அழைப்பாளராக தூத்துக்குடி மாவட்ட ஜமாஅத்துல் உலமா சபைத் தலைவரும்,காயல் பட்டினம் மஹ்ழரத்துல் காதிரிய்யா அரபுக் கல்லூரியின் முதல்வர் மௌலானா மௌலவி அல்ஹாஜ் அல்லாமா எஸ்.எஸ்.கே.கலந்தர் மஸ்த்தான் ஆலிம் ரஹ்மானி ஹஜ்ரத் அவர்கள் சிறப்புரையாற்றினார்கள்.மேலும் மௌலானா மௌலவி அல்லாமா ஓ.எம்.அப்துல் காதிர் ஹஜ்ரத்,நீடூர் அரபுக்கல்லூரிப் பேராசிரியர் மௌலானா எம்.எஸ்.அப்துஸ் ஸலாம் ஹஜ்ரத். மௌலானா மௌலவி என்.ஹாமித் பக்ரி மன்பஈ ஹஜ்ரத்,கோவை கரும்பு கடை ஜூம்ஆப் பள்ளி இமாம் மௌலானா ஏ.அப்துல் அஜீஸ் பாகவி ஹஜ்ரத்,சேலம் நூருல் இஸ்லாம் அரபுக்கல்லூரியின் முதல்வர் மௌலானா ஏ .அபூதாஹிர் ஆலிம் பாகவி ஹஜ்ரத், ஆகியோர் பல்வேறு தலைப்புகளில் பேசினார்கள்.

புளியங்குடி அம்பா சமுத்திரத்தில் வட்டார ஜமாஅத்துல் உலமா சபை சார்பில் ஷரீஅத் மாநாடு மற்றும் மீலாது விழா பேரணி பிப்ரவரி 11 ஆம் தேதி நடைபெற்றது.வீரசோழன் மன்பவுல் ஹைராத் அரபுக்கல்லூரி முதல்வர் மௌலானாமௌலவி அல்லாமா ஓ.எம்.அப்துல் காதிர் ஆலிம் பாகவி ஹஜ்ரத்,நீடூர் இ.எஸ்.எம்.அபூபக்கர் ஹஜ்ரத்,காயல் பட்டினம் மௌலான மௌலவிஅல்ஹாஃபிழ் என்.ஹாமித் பக்ரிஆலிம் மன்பஈ ஹஜ்ரத்,சேலம் நூருல் இஸ்லாம் அரபுக்கல்லூரி முதல்வர் மௌலானா அபூத்தாஹீர் ஆலிம் பாகவி ஹஜ்ரத் ஆகியோர் பல் வேறு தலைப்புகளில் சிறப்புரையாற்றினார்கள்.இதில் ஏராளமான உலமாப் பெருமக்கள் கலந்துகொண்டார்கள்.

மேலப்பாளையத்தில் பிப்ரவரி 16 ஆம் தேதி மஜ்லிஸுல் உலமா சார்பில் மாபெரும் ஷரீஅத் விளக்கப் பொதுக்கூட்டம், மௌலானா ஏ.ஸதக்கத்துல்லாஹ் ஆலிம் தலைமையில் நடைபெற்றது.இதில் பெங்களூர் ஸபீலுர் ரஷாத் அரபுக் கல்லூரிப் பேராசிரியர் மௌலானா மௌலவி அல்ஹாஃபிழ் ஸைபுத்தீன் ரஷாதி ஹஜ்ரத் அவர்கள் சிறப்புரை யாற்றினார்கள்.இம்மாநாட்டில் அதிகமான உலமாப் பெருமக்கள் கலந்துகொண்டார்கள்,முடிவில்உஸ்மானியா அரபுக்கல்லூரி பேராசிரியர் மௌலானா மௌலவி அல்ஹாஃபிழ் பி.எ.ஹாஜா முஹைதீன் ஆலிம் பாகவி ஹஜ்ரத் அவர்கள் நன்றி கூறினார்கள்.

விழுப்புரத்தில் நவாப் வாலாஜா புதிய பள்ளிவாசல் திறப்பு விழா பிப்ரவரி 24-ஆம் தேதி நடைபெற்றது.தமிழகத்தின் தலைசிறந்த மாமேதை வேலூர் பாக்கியாத்துஸ் ஸாலிஹாத் அரபுக் கல்லூரியின் முன்னால் முதல்வர் மௌலானா மௌலவி அல்லாமா பி.எஸ்.பி.ஜைனுல் ஆபிதீன் பாகவி ஹஜ்ரத் அவர்கள் பள்ளிவாசலை திறந்து வைத்து பேருரை வழங்கினார்கள்.சேலம் நூருல் இஸ்லாம் அரபுக்கல்லூரி முதல்வர்.மௌலானா மௌலவி.எம்.அபூதாஹீர் ஆலிம் பாகவி ஹஜ்ரத் அவர்கள் சிறப்புரையாற்றினார்கள்.

ஆனியாங்குப்பம் பி.முட்லூரில் மஸ்ஜிதே முஹம்மத் புதிய பள்ளிவாசல் திறப்பு விழா பிப்ரவரி 24-ஆம் தேதி நடைபெற்றது.இதில் நீடூர் அரபுக்கல்லூரி முதல்வர் மௌலானா மௌலவி.எ.முஹம்மது இஸ்மாயீல் பாகவி ஹஜ்ரத் அவர்கள் சிறப்புரையாற்றினார்கள்.லால்பேட்டை ஜாமிஆ மதரஸா மன்பவுல் அன்வார் அரபுக்கல்லூரி முதல்வர் மௌலானா மௌலவி அல்ஹாஃபிழ், காரி,முஃப்தி எ.நூருல் அமீன் ஆலிம் ஃபாஜில் மன்பஈ ஹஜ்ரத் அவர்கள் குத்பா மற்றும் தொழுகை நடத்தினார்கள்.

வெளியீடு ;-சுன்னத் ஜமாஅத் பேரியக்க வாழூர் மற்றும் மலேசியக் கிளைகள்

Saturday, April 7, 2012

முஹர்ரம் 25 முதல் ஸஃபர் 25 வரை நடை பெற்ற சிறப்பு மஜ்லிஸ்கள்


கடைய நல்லூரில் சிராஜும் முனீர் அரபுக் கல்லூரியில் ஜனவரி
1 ஆம் தேதி ஐம்பெரும் விழா, சென்னை வண்டலூர் புஹாரி ஆலிம் 
அரபுக் கல்லூரி முதல்வர் மௌலானா மௌலவி பி.எஸ்.மஸுது 
ஆலிம் ஜமாலி ஹஜ்ரத் தலைமையில் நடைபெற்றது.இதில் அய்யம்
பேட்டை பி.எம்.ஜியாவுத்தீன் ஹஜ்ரத், நெல்லை மாவட்ட மேற்க்குப்
பகுதி அரசு டவுன் காஜி எ.ஒய். முஹ்யித்தீன் பைஜி ஃபாஜில் ரஷாதி
ஹஜ்ரத், தென்காசி ரப்பானியா அரபுக்கல்லூரி முதல்வர்,ஸம்சுத்தீன்
ஹஜ்ரத்,ஆகியோர்கள் கலந்து கொண்டு சிறப்புரையாற்றினார்கள்.

சென்னை மாவட்ட ஜமாஅத்துல் உலமா சார்பில்,ஜனவரி 3 ஆம் தேதி 
சென்னை புரசைவாக்கம் தலைமை இமாம் கல்விக் கடல் மௌலானா
மௌலவி கே.எ. நிஜாமுத்தீன் ஹஜ்ரத் அவர்களின் நினைவு ஜியாரத்
 (மூன்றாம் நாள் பாத்திஹா) நிகழ்ச்சி நடைபெற்றது.இதில் சென்னை
 மாவட்ட ஜமாஅத்துல் உலமா சபைச் செயலாளரும்,சென்னைப் பல்
 கலை கழகத்தின் அரபித்துறைப் பேராசிரியர் டாக்டர், மௌலானா 
மௌலவி வி,எஸ், அன்வர் பாதுஷா உலவி ஹஜ்ரத் அவர்கள் தலைமை
தாங்கினார்கள். சென்னை பெரியமேடு மஸ்ஜிதின் , முன்னால் தலைமை 
இமாமும் தமிழகத்தின் தலைசிறந்த காரீயுமான மௌலானா முஹம்மது
காசிம் போபாலி ஹஜ்ரத் அவர்கள் கிராஅத் ஓதினார்கள்.சென்னை மஸ்ஜிதே
மஃமூர் பள்ளி தலைமை இமாம் மௌலானா முஹம்மது இல்யாஸ் காஸிமி
ஹஜ்ரத், சென்னை ஜமாலியா அரபுக்கல்லூரிப் பேராசிரியர் மௌலானா 
அப்துர் ரஹ்மான் பாகவி ஹஜ்ரத் ஆகியோர் மறைந்த ஹஜ்ரத் அவர்களின் 
சிறப்புகளைக்கூறி நினைவுறையாற்றினார்கள்.இந்நிகழ்ச்சியில் 200 -க்கும்
மேற்ப்பட்ட உலமாப்பெருமக்கள்,சென்னையைச் சேர்ந்த ஜமாஅத்தார்கள்
கலந்து கொண்டு, காலை 7 மணி முதல் குர்ஆன் ஷரீஃப் (யாஸின்) ஓதி 
அன்னாரின் மஃபிரத்திற்காக துஆச் செய்தார்கள்.

இந்திய குடியரசின் முன்னால் தலைவர் மரியாதைக்குரிய ஆ.பெ.ஜெ.அப்துல்
கலாம் அவர்களுக்கு கெளரவ டாக்டர் பட்டம் ஜனவரி 9 ஆம் தேதி சென்னை 
வண்டலூர் பி.எஸ்.அப்துர் ரஹ்மான் பல்கலை கழகத்தின் முதல் பட்டமளிப்பு
விழாவில் வழங்கப்பட்டது.

கீழக்கரையில் மூன் தொலைக்காட்சி நடத்திய தமிழக அளவிலான 
திருக்குர்ஆன் மனனப் போட்டியில் காயல்பட்டிணம் அல் ஜாமிஉல் 
அஸ்கர் ஹிஃப்ழு மதரஸா மாணவர் காயல் பட்டிணம் கே.எஸ்.
முஃபிஸுர் ரஹ்மான் முதலிடம் பெற்று ரூபாய் 10000, ரொக்கப்பரிசு, 
கேடயம் பெற்றார். இதில் கீழக்கரை தைக்கா அரூஸியா அறக்கட்டளையின்
மேலாண்மை அறங்காவலர் அஷ்ஷெய்க் அல்ஹாஜ் டாக்டர் தைக்கா 
ஷுஐபு ஆலிம் இராமநாதபுரம் ஷரீஅத் நீதி மன்றத்தின் தலைவர் அல்லாமா
கே.எஸ்.எம்.ஷாஹுல் ஹமீது ஆலிம் ஜமாலி ஆகியோர் முன்னிலை வகித்து 
ஆசியுரை வழங்கினார்கள். துபை இஸ்லாமிய விவகாரத்துறையின் 
துணை இயக்குநர் ஜெனரல் டாக்டர் ஒமர் எம் அல்ஹத்தீப் தலைமை
நடுவராகவும், மதரஸா மர்கஸுல் உலூம் முதல்வர் மௌலானா ஹாஃபிழ்
காரி ஏ.அப்ரார் அஹ்மது காஸிமி,மௌலானா ஹாஃபிழ் காரீ சித்தீக் அலி 
பாகவி ஆகியோர் இதர நடுவர்களாக பணியாற்றினார்கள்.இதில் மூன் 
டிவியின் உரிமையாளர்கள், மற்றும் அனைத்துப் பொருப்பாளர்களும், 
தமிழகத்தின் தலைசிறந்த உலமாப் பெருமக்கள் ஏராளமானோர் கலந்து
கொண்டார்கள்.

மெய்நிலை கண்ட தவஞானி ஹள்ரத் முஹ்யித்தீன் அப்துல் காதிர் 
ஜீலானி (ரஹ்) அவர்களின் ஞான வழிப்பேரரும் மாதிஹுர் ரஸுல் 
ஷைகு ஸதக்கத்துல்லாஹ் அப்பா,இமாம் அரூஸ் மகான் மாப்பிள்ளை
லெப்பை ஆலிம் (ரஹ்),கல்வத்து ஆண்டகை (ரஹ்),பல்லாக்கு 
ஒலியுல்லாஹ்,ஷைகு நாயகம் அஹமது அப்துல் காதிர் ஆகியோரின் 
வழித்தோன்றல் டாக்டர் பேரறிஞர் மௌலானா அல்லாமா அல்ஹாஜ் 
தைக்கா ஷுஐபு ஆலிம் அவர்களுக்கு,ஜனவரி 11 ஆம் தேதி சென்னைப்
பல் கலை கழகத்தின் அரபி உருது மற்றும் ஃபார்ஸிதுறை சார்பில்,
மாதிஹுர் ரஸூல் ஸதகத்துல்லாஹ் அப்பா விருது ,சென்னையில்
வழங்கப்பட்டது.

இராமநாதபுரம் மாவட்டம்,இராமேஸ்வரம் நகர் மற்றும், வட்டார 
உலமாக்கள் மற்றும் பள்ளிவாசல் நிர்வாகப் பெருமக்கள் கலந்தாய்வு,
ஹஜ்ஜை நிறைவு செய்த ஹாஜிகளுக்கு வரவேற்பு விழா ,இந்த வருடம் 
ஆலிம்,ஹாஃபிழ் பட்டம் பெற்ற மாணவர்களுக்கு பாராட்டு விழா ஆகிய
முப்பெரும் விழா ஜனவரி 11 ஆம் தேதி பாசிப்பட்டரைத் தெரு ஜும்ஆப் பள்ளியில்
நடைபெற்றது. இதில் இப்ராஹீம் ஹஜ்ரத் மஸ்லஹி தலைமை வகித்தார்கள்.
சித்தார்கோட்டை இமாம் மௌலானா ஹாஃபிழ் அப்துல் காதிர் ஆலிம் மஹ்ளரி
கிராஅத் ஓதினார்கள்.மாவட்ட ஜமாஅத்துல் உலமா சபை செயலாளர் மௌலானா
அப்துர் ரஹ்மான் மிஸ்பாஹி ஹஜ்ரத்,மௌலானா அக்பர் அலி ஆலிம் ஜமாலி,
மௌலானா அப்துல் காதிர் நிஜாமி சிராஜி ஹஜ்ரத் ஆகியோர் வாழ்த்துரை மற்றும்
சிறப்புரையாற்றினார்கள்.ஹாஜியாரப்பா பள்ளி இமாம், மௌலானா மௌலவி 
அப்துல் அலி ஆலிம் மன்பஈ ஹஜ்ரத் அவர்கள் துஆ ஓதினார்கள்.


திண்டுக்கல் மாவட்டம் சீலப்பாடி ஆயிஷா-நூருல் ஹுதா பள்ளிவாசல் திறப்பு 
விழாவில் மௌலானா பி.எம்.ஜியாவுத்தீன் ஹஜ்ரத் அவர்கள் தலைமை 
தாங்கினார்கள்.காயல் பட்டினம் ஹ்ழரா அரபுக்கல்லூரி முதல்வர் மௌலானா 
மௌலவி அல்ஹாஜ் எஸ்.எஸ்.கே.கலந்தர் மஸ்தான் ஆலிம் ரஹ்மானி ஹஜ்ரத் 
அவர்கள்,பள்ளியை திறந்து வைத்து சிறப்புரையாற்றினார்கள். தூத்துக்குடி மன்பவுஸ்
ஸலாஹ் அரபுக்கல்லூரி முதல்வர் மௌலானா இம்தாதுல்லாஹ் பாகவி ஹஜ்ரத்
அவர்கள் வாழ்த்துரை வழங்கினார்கள்.திண்டுக்கல் ஹலீபத்துல் காதிரியா சிஷ்திய்யா
மௌலானா எஸ்.எம். முஹம்மது அலி மஹ்ழரி ஹஜ்ரத் அவர்கள் ஜும்ஆ பயான்,
குத்பா பேருரை மற்றும் தொழுகை நடத்தினார்கள்.
  
வெளியீடு-
மன்பஈ ஆலிம்.காம்


ChittarkottaiSunnathJamath RSS Feed

ஓன் இந்தியா தமிழ் செய்திகள்

Tamil News

இராமநாதபுரத்தின் வானிலைச் செய்திகள்