அஸ்ஸலாமு அலைக்கும் (வரஹ்)! வருக! வருக!! நல் வரவாகுக!!! சித்தார் கோட்டை அஹ்லுஸ் சுன்னத் வல் ஜமாஅத் இணைய தளம் உங்களை அன்புடன் வரவேற்கிறது. Welcome to Chittarkottai Sunnath Jamath

அனைவருக்கும் பெருமானாரின் 1492 வது மீலாதுப் பெருவிழா நல்வாழ்த்துக்கள்

Saturday, February 11, 2012

சித்தார்கோட்டையில் பெருமானாரின் மீலாது ஊர்வலம்

















From: Ganimathullah Alim :<ganimathullah@rocketmail.com>

முதஅவ்விதன்!   முபஸ்மிலன்!     முஹம்திலன்!   
 முஸல்லியன்!    முஸல்லிமா!
 அஸ்ஸலாமு அலைக்கும் (வரஹ்)
எல்லாம் வல்ல அல்லாஹ்வின் மாபெரும் கிருபையால் கண்மணி நாயகம் (ஸல்) 
அவர்கள் பிறந்த புனிதம் நிறைந்த மாதமான, ரபீஉல் அவ்வல் மாதத்தின் பிறை ஒன்றில்
 இருந்து தினமும் மஃரிப் தொழுகைக்குப் பிறகு, சித்தார் கோட்டையிலுள்ள மூன்று பள்ளி 
வாசல்கள்,மற்றும் வாழூர் ஜும்ஆ பள்ளி வாசலிலும் சுந்தர நபிகளாரின் சந்தனப் புகழ் பாடும்
 சிறப்பான சுப்ஹான மவ்லிது ஷரீஃப் பன்னிரெண்டு தினங்கள் இனிதே ஓதப்பட்டு, (5-1-2012)
 அன்று ஞாயிற்றுக்கிழமை மீலாது விழா கொண்டாடப்பட்டது.ஞாயிற்றுக் கிழமை 
காலை 10-00 மணிக்கு சித்தார்கோட்டை ஜன்னத்துல் பிர்தெளஸ் ஜும்ஆ பள்ளிவாசலில் 
சுந்தர நபிகளாரின் சந்தனப் புகழ்பாடும் சுப்ஹான மவ்லிது ஷரீஃப் சித்தார் கோட்டையின் மூன்று
 இமாம்கள்,இன்னும் வாழூர் இமாம், மற்றும் ஜாமிஆ சித்தாரிய்யா அரபுக் கல்லூரியின் பேராசிரியர்கள்,
மற்றும் மாணவர்களால் ஓதப்பட்டு இறுதியில் சிறப்பு துஆ மஜ்லிஸ் நடைபெற்றது. பிறகு ஊர் மக்கள்
 அனைவருக்கும் விசேச உணவு வாகனங்கள் மூலம் வழங்கப்பட்டது.மாலை அஸர் தொழுகைக்குப்
 பிறகு மதரஸா மல்ஹருஸ் ஸுஅதா மாணவ,மாணவிகளின் மீலாது ஊர் வலம் நடைபெற்றது.
இறுதியில் துஆ ஓதப்பட்டு மீலாதுப் பெரு விழா இனிதே நிறைவு பெற்றது வஸ்ஸலாம்
இவண்-
சித்தார்கோட்டை அஹ்லுஸ் சுன்னத் வல் ஜமாஅத் இணையதளம்,
சுன்னத் ஜமாஅத் ஐக்கியப் பேரவை வாழூர் கிளை.

இராமநாதபுரத்தில் உத்தம திரு நபியின் உதய தினவிழா














From: Ganimathullah Alim :<ganimathullah@rocketmail.com>

அஸ்ஸலாமு அலைக்கும் (வரஹ்)
இராமநாதபுரத்தில் (5-2-2012) ஞாயிற்றுக்கிழமை அன்று ஈசா பள்ளிவாசலில்
உத்தம திருநபியின் உதயதின விழா, இஸ்லாமிய பல்சுவைப் போட்டிகள்,
பரிசளிப்பு விழா ஈசா பள்ளிவாசல் தலைவர் அபுல் ஹஸன் தலைமையில்
நடைபெற்றது.இப்ராஹீமிய்யா மதரஸா மாணவர் அமீர்தீன் கிராஅத் ஓதினார்.
ஈசா பள்ளி நிர்வாகக் குழுவினர்கள் முன்னிலை வகித்தனர். ஈசா பள்ளிவாசல்
இமாம் முஹம்மது ஹஸன் யாசீனிய் துவக்கவுரை நிகழ்த்தினார். காதர்
பள்ளிவாசல் இமாம் முஹையத்தீன் அப்துல் காதிர் மஸ்லஹி வாழ்த்துரை
வழங்கினார்.சித்தார்கோட்டை தலைமை இமாம் மௌலானா அல்ஹாஃபிழ்
அப்துல் காதிர் ஆலிம் மஹ்ழரி சிறப்புரையாற்றினார்கள்.முன்னதாக
மாணவ மாணவியரின் இஸ்லாமிய பல்சுவை நிகழ்ச்சிகள்,பேச்சுப்போட்டி,
ஹதீஸ்போட்டி,மற்றும் கலந்துறையாடல் நடைபெற்றது.வெற்றி பெற்ற
மாணவ மாணவிகளுக்கு நிர்வாகிகள் பரிசுகள் வழங்கினார்கள்.
செயலாளர் நஸ்ருல்லாஹ் கான் நன்றி கூறினார்.பெரிய முஹல்லா
பள்ளி இமாம் முஹம்மது மன்சூர் ஆலிம் துஆ ஓத மீலாதுப்
பெருவிழா இனிதே நிறைவடைந்தது. நிகழ்ச்சியில் முஸ்லிம்லீக்
இளைஞர் அணி செயலாளர் செய்யிது இபுறாகீம், முஹம்மது
இபுறாகீம், எஸ்,எஸ், சுல்தான் மற்றும் ஏராளமானோர்  கலந்து
கொண்டார்கள். வஸ்ஸலாம்.
நன்றி-மணிச்சுடர்
வெளியீடுமன்பயீ ஆலிம்.காம்

Wednesday, February 1, 2012

லால்பேட்டை ஜாமிஆ மதரஸா மன்பவுல் அன்வார் ஈன்றெடுத்த கல்விக் கடலின் மறைவு



From: Ganimathullah Alim <ganimathullah@rocketmail.com>
Date: 1/2/2012
நாடறிந்த மார்க்க அறிஞரும், அற்புதமான
மிகப்பெரும் சேவையாற்றியவரும், பன்னூல்
ஆசிரியரும்,திருக்குர்ஆன் விரிவுரையாளரும்,
சென்னை புரசைவாக்கம் பெரியபள்ளிவாசலின் 
தலைமை இமாமும், தமிழகத்தின் மிகப்பெரும்
சுன்னத் வல் ஜமாஅத் அறிஞரும், மௌலானா மௌலவி 
அல்ஹாஜ் அல்லாமா அல்ஹாஜ் K.A.நிஜாமுத்தீன் ஆலிம் மன்பஈ
ஹஜ்ரத் அவர்கள் 31-12-2011 சனிக்கிழமை மாலை தாருல் ஃபனாவை
விட்டும் தாருல் பகாவை அடைந்துவிட்டார்கள்.
இன்னா லில்லாஹி வஇன்னா இலைஹி ராஜிஊன்.
சிந்திக்க வைக்கும் சொற்ப்பொழிவுக்கு சொந்தக்காரரான 
ஆலிம் பெருந்தகையான ஹஜ்ரத் அவர்களின் மரணச்செய்தி
ஒவ்வொரு முஸ்லிமின் உள்ளத்தையும் குலுக்கி எடுக்கும் துக்கச் 
செய்தியாகிவுள்ளது.அஹ்லுஸ் சுன்னத் வல் ஜமாஅத் கொள்கை
பற்றிய தெளிவான விளக்கங்களை மக்களுக்கு விளக்கியவர்கள்.
இதற்காக தென்னகத்தின் தாய்க் கல்லூரியாம் வேலூர் அல் ஜாமிஆ
மதரஸா பாக்கியாத்துஸ் ஸாலிஹாத் அரபுக் கல்லூரியை தலைமை 
இடமாகக் கொண்டு 1996 முதல் செயல்படும் ஹைஅத்து ஷரீயா என்ற
ஷரீஅத் பேரவையில் சிறப்பான முறையில் செயலாற்றி வந்தார்கள். 
ஹஜ்ரத் பெருந்தகையவர்கள். சன்மார்க்க கோட்டையாகிய 
லால்பேட்டை மதரஸா மன்பவுல் அன்வார் அரபுக்கல்லூரியில் 
மௌலவி ஆலிம் (தஹ்ஸீல்) பட்டம் பெற்று, சன்மார்க்க
விளக்கம் தருவதில் முன் மாதிரி அறிஞராகவும், சிக்கலான மார்க்க
விசயங்களைக் கூட பாமரரும் புரிந்திடும் வகையில் விவரித்து கூறுவதில்
வல்லவராகவும்,திகழ்ந்தவர்கள் ஹஜ்ரத் பெருந்தகையவர்கள். தமிழகத்திலும்,
வெளிநாடுகளிலும்,மீலாது விழாக்களிலும், ஷரீஅத் மாநாடுகளிலும், 
கல்லூரி விழாக்களிலும்,சுன்னத் வல் ஜமாஅத் மாநாடுகளிலும், 
ஹஜ்ரத் அவர்களின் உரை என்றால்அதனைக்கேட்கும் கூட்டமே தனியே தெறியும். 
இதயங்களை ஈர்க்கும் சொல்லரசாக விளங்கினார்கள். ஹஜ்ரத் அவர்களின்
சொற்ப்பொழிவுகள், பல்லாயிரக்கணக்கில் ஒளி ஒலிப் பேழைகளாக உலகம் முழுவதும்
பரவியுள்ளன. தமிழக மக்களின் இறைநம்பிக்கையை (ஈமானை) தகர்த்தெறிந்த 
நவீன தீய குழப்பவாதிகளின் முகத்திரைகளை கிழித்தெறிந்தார்கள் .சத்திய
மார்க்கத்தை தெளிவான முறையில் எடுத்துரைத்தார்கள். யாருக்கும்
பயப்பிடாமல், எந்தவித மிரட்டலுக்கும் பயப்பிடாமல் அல்லாஹ்வின்
திருப்பொருத்தத்தை மட்டுமே குறிக்கோளாகக் கொண்டு மார்க்கப் 
பணியாற்றினார்கள்.பிக்ஹ் சட்டங்கள் குறித்து எழுந்த முறையற்ற 
விமர்ச்சனங்களுக்கும்,தீய குழப்பவாதிகளால் தவறாக சித்தறிக்கப்பட்ட
சட்டங்களுக்கும், ஆதாரங்களுடன் பதில் கொடுத்து தீய குழப்பவாதிகளின்
வாய்களை அடைத்தார்கள். உள்ளொன்று வைத்து புறம் ஒன்று பேசும்
பழக்கமில்லாத மார்க்க மேதை,எதையும் இதயத்தை தொடும்படியாக
எடுத்துக்கூறும் இயல்புள்ள மார்க்க அறிஞர்.சிந்தனையாளர்களுக்கு
தூண்டுகோல்,செயல் வீரர்களுக்கு துணைவர், மொத்தத்தில் சமுதாய 
ஒற்றுமைக்கும்,சன்மார்க்க எழுச்சிக்கும் பாடுபட்டு மறைந்துள்ள பன்பட்ட
மேதை அவர்களின் மறைவு, உண்மையில் அறிவுலகத்திற்கு ஏற்ப்பட்ட
பேரிழப்பாகும். எல்லாம் வல்ல அல்லாஹ் ஹஜ்ரத் பெருந்தகையின் நல்
அமல்களை ஏற்றுக்கொண்டு,அப்பழுக்கற்ற மார்க்க சேவைகளை அங்கீகறித்து
குற்றங்களை மன்னித்து தன்னுடைய ''ஜன்னத்துல் பிர்தெளஸ்'' எனும் சுவன
பதியில் நுழைய வைப்பானாக என்று துஆச் செய்வதுடன், அன்னாரின்
பிரிவால் துயரப்படும் குடும்பத்தார்களுக்கும், உற்றார், உறவினர், ஆலிம் 
பெருமக்கள்,மாணவர்கள் மற்றும் நண்பர்கள் அனைவர்களுக்கும்
''ஸப்ரன் ஜமீலா'' என்ற அழகிய பொருமையை தந்தருளவும் , சுன்னத் 
வல் ஜமாஅத் ஐக்கியப் பேரவை வாழூர் மற்றும் மலேசியக்கிளை
இன்னும் சித்தார்கோட்டை அஹ்லுஸ் சுன்னத் வல் ஜமாஅத்
இணைய தளமும் துஆச்செய்கிறது ஆமீன் வஸ்ஸலாம்..
உலகெங்கும் வாழும் அனைத்து சகோதரர்களும் ஹஜ்ரத் 
பெருமகனாரின் ஹக்கில் துஆச்செய்யும் படி அன்புடன் கேட்டுக்கொள்கிறோம்
வெளியீடு -;மன்பஈ ஆலிம் .காம்

ChittarkottaiSunnathJamath RSS Feed

ஓன் இந்தியா தமிழ் செய்திகள்

Tamil News

இராமநாதபுரத்தின் வானிலைச் செய்திகள்

பனைக்குளம் மௌலவி செய்யிது முஹம்மது மதனி ஆலிம் எழுதிய ஈமானின் ஒளி விளக்கு